نیوز ی لینڈ کے شراب خانوں میں داخل ہونے کے لیے ہو سکتا ہے اب آپ کو صرف اپنی عمر کا ہی نہیں، کورونا ویکسین لگوانے کا ثبوت بھی پیش کرنا پڑے۔

کورونا کے بڑھتے کیسز پر قابو پانے اور وبا کو مزید پھیلاؤ سے روکنے کے لیے نیوزی لینڈ کی ہاسپٹیلٹی انڈسٹری نے کورونا پاسپورٹ کی شرط رکھنے پر غور شروع کر دیا ہے۔اندسٹری لیڈرز کا کہنا ہے کہ جہاں بھی لوگوں کا ہجوم اکٹھا ہوا ہم نے دیکھا کہ وبا میں یکدم تیزی آ گئی۔ اس پھیلاؤ کو روکنے کے لیے ریسٹورنٹس اور شراب خانوں میں صرف ان افراد کو داخلے کی اجازت دینے پر غور کیا جا رہا ہے جو کورونا ویکسین لگوا چکے ہوں۔

فرانس نے پہلے ہی نائٹ کلبز میں داخلے کے لیے کورونا پاسپورٹ کی شرط عائد کر رکھی ہے جبکہ برطانیہ یہ کہہ کر یہ تجویز مسترد کر دی تھی کہ اس سے سماجی تقسیم نمایاں ہو گی۔