کورونا وائرس کی چوتھی لہر میں کمی کے بعد ہوائی سفر کرنے والوں کی تعداد میں مسلسل اضافہ دیکھا جا رہا ہے۔ متحدہ عرب امارات سمیت مشرق وسطیٰ کے دیگر ممالک کی ائر لائنز  آئندہ بیس برسوں میں بڑے پیمانے پر ملازمین رکھیں گی۔ امریکی طیارہ ساز کمپنی نے توقع ظاہر کی ہے کہ ایمریٹس، اتحاد اور دوسری ائیر لائنز ایک لاکھ 96 ہزار ملازمین بھرتی کریں گی جن میں 54 ہزار پائلٹس، 51 ہزار ٹیکنیشن اور 91 ہزار کیبن کریو کے ارکان شامل ہیں۔ ان کے اندازے کے مطابق مشرق وسطیٰ کی ائر لائنز سن 2040 تک 7 کھرب ڈالر کے 3 ہزار نئے طیارے خریدیں گی۔

حال ہی میں ایمریٹس اور اتحاد ائر نے آئندہ چند ہفتوں کے دوران ساڑھے چار ہزار سے زائد کیبن کریو بھرتی کرنے کا اعلان کیا ہے۔ کمپنی کو اس مدت کے دوران فضائی سفر کرنے والوں کی تعداد دگنی ہونے کی امید بھی ہے۔ان اندازوں کے مطابق خطے میں کارگو جہازوں کی تعداد 80 سے بڑھ کر 150 اور مسافر طیاروں کی تعداد 660 سے بڑھ کر ایک ہزار 750 تک ہو سکتی ہے۔