وفاقی دارالحکومت اسلام آباد سے سعودی شہر جانے والی مسافر وں سے بھری پرواز حادثے سے بال بال بچ گئی۔ نجی کمپنی ائر بلیو کی پرواز اسلام آباد ائر پورٹ سے روانہ ہوئی۔ فضا میں بلند ہونے کے تھوڑی دیر بعد ہی پائلٹ نے تکنیکی خرابی نوٹ کی۔ اس نے فوری طور پر اسلام آباد ائر پورٹ کے کنٹرول ٹاور سے رابطہ کر کے واپس لینڈنگ کی اجازت مانگی۔ کنٹرول ٹاور سے اسے فوری طور پر رن وے کلیئر کروا کر ٹیکنیکل لینڈنگ کی اجازت دے دی گئی۔

طیارے کے کپتان نے پیشہ ورانہ مہارت کا مظاہرہ کرتے ہوئے کامیابی اور حفاظت کے ساتھ فنی خرابی کے باوجود طیارے کو لینڈ کروا لیا۔ طیارے کی ائر پورٹ پر ہی مرمت کرکے اسے منزل کی جانب روانہ کر دیا گیا۔