آسٹریلیا میں گھریلو صارفین حالیہ برسوں میں مہنگائی کے تیز ترین اضافے کا سامنا کر رہے ہیں۔ پٹرول، نئے مکانات اور کپڑوں کی قیمتوں میں اضافے نے آنے والے  انتخابات سے قبل عجیب صورتحال پیدا کر دی ہے۔ آسٹریلوی بیورو آف شماریات کے اعداد و شمار سے پتہ چلتا ہے کہ دسمبر میں ختم ہونے والی سہ ماہی کے دوران قیمتوں میں ساڑھے تین فیصد اضافہ ہوا۔  مہنگائی کی اس تیز چھلانگ نے ماہرین اقتصادیات کے 2.3 فیصد کے اتفاق کو پیچھے چھوڑ دیا ہے۔

آسٹریلوی وزیر خزانہ کا کہنا ہے  کہ  قیمتوں میں اضافہ عالمی سپلائی چین میں خلل اور اشیا کی زیادہ مانگ کی وجہ سے ہوا ہے جبکہ افراط زر اب بھی امریکہ کی شرح نصف اور جرمنی، کینیڈا اور برطانیہ سے نیچے ہے۔انہوں نے کہا کہ عالمی سپلائی چین میں رکاوٹوں کے باوجود آسٹریلیاکی معیشت قابل ذکر حد تک بہتر ہے۔مسٹر فریڈن برگ نے کہا کہ ایک ٹیچر یا نرس جو سالانہ 60 ہزار ڈالر کماتی ہے وہ 2160 ڈالر کم ٹیکس ادا کر رہی ہے۔ چھوٹے کاروباروں پر ٹیکس میں کٹوتی ہوئی ہے اور 1.7 ملین مزید لوگ کولیشن کے تحت کام کر رہے ہیں۔