تھائی لینڈ کی پولیس چھ ایسے غیر ملکی سیاحوں کو تلاش کر رہی ہے جو ملک میں آنے کے بعد کورونا ٹیسٹ کروا کر رزلٹ آنے سے پہلے ہی فرارہو گئے۔ حکام کے مطابق یہ  سیاح ’ٹیسٹ کراؤ اور جاؤ‘ کی پالیسی کے تحت تھائی لینڈ آئے ہیں۔

فرار ہونے والوں میں فرانس اور پولینڈ کے دو، دو جبکہ ناروے اور سوئٹزرلینڈ کا ایک ایک شہری شامل ہے اور ان کی عمریں 31 سے 62 سال کے درمیان ہیں۔ حکام اس لیے بھی زیادہ پریشانی کا شکار ہیں کہ ان تمام افراد کا کورونا ٹیسٹ مثبت آیا ہے۔ ان کے ہوٹل کا کہنا ہے کہ وہ گزشتہ روز جلدی میں ہوٹل سے چیک آؤٹ کر کے نکل گئے تھے۔

حکام کو شبہ ہے کہ انہوں نے قرنطینہ سے بچنے کے لیے راہ فرار اختیار کی۔ انہیں پتایہ اور بنکاک میں تلاش کیا جا رہا ہے۔