کورونا ویکسی نیشن کی دونوں ڈوز لگوانے والے مسافروں کے لیے اب برطانیہ داخل ہونے کے لیے پہلے سے کورونا ٹیسٹ کروانے کی شرط ختم کر دی گئی ہے۔ اس کے ساتھ ساتھ ہر مسافر کے لیے برطانیہ پہنچنے کے بعد سات روز کا اپنے گھر پر قرنطینہ بھی ختم کر دیا گیا ہے۔ تاہم برطانیہ آنے کے بعد ہر مسافر کو کورونا ٹیسٹ کروانا ہو گا جو مثبت آنے کی صورت میں ضوابط کے مطابق قرنطینہ لازمی کر دے گا۔

ائر لائنز، ہوٹلز اور فوڈ انڈسٹری سے اس حکومتی اعلان کا خیر مقدم کیا ہے۔ سفر سے جڑی تمام انڈسٹری کو اس فیصلے سے حوصلہ اور امید ہوئی ہےکہ اس ڈوبتی انڈسٹری کو بچایا جا سکتا ہے۔برطانیہ آنے سے پہلے کورونا ٹیسٹ کروانے اور قرنطینہ کے باعث سیاحت کے لیے برطانیہ آنے والے بین الاقوامی مسافروں کی تعداد میں کئی گنا کمی واقع ہو گئی تھی۔