برطانوی ہوم آفس نے ایک یمنی اور ایک افغان شہری کی سیاسی پناہ کی درخواست مسترد کر دی ہے۔ چھتیس سالہ یمنی اور اکیس سالہ افغان شہری کو کہا گیا ہےکہ اب ان کے ممالک میں حالات سازگار ہیں اس لیے وہ واپس جا سکتے ہیں۔

اس سے پہلے ایک شامی شہری کی درخواست بھی مسترد ہوئی اور اسےبھی اپنے وطن واپس جانے کا کہا گیا۔ہوم آفس اور انسانی حقوق کی تنظیمیں یمن، شام اور افغانستان کو خطرناک ممالک قرار دیتی ہیں ۔ انسانی حقوق کی تنظیموں نے ہوم آفس کے ایسے فیصلوں کو تنقید کا نشانہ بنایا ہے۔ تنظیموں کے مطابق افغانستان، یمن اور شام میں  خانہ جنگی، سنگین جرائم اور انسانی حقوق کی شدید خلاف ورزیاں ہو رہی ہیں۔ ایسے حالات میں پناہ گزیوں کو واپس بھیجنا بہت بڑا خطرہ ہو گا۔

تینوں ممالک سے روزانہ انسانی حقوق کی خلاف ورزیوں کی خبریں تواتر کے ساتھ آ رہی ہیں اس کے باوجود یہاں کے شہریوں کو واپس بھیجنا ان کی زندگیوں کو خطرے میں ڈالنے کے مترادف قرار دیا جا رہا ہے۔