مصروف کرسمس سیزن سے قبل آسٹریلیا کی سب سے بڑی ریاستوں وکٹوریہ اور نیو ساؤتھ ویلز نے ایک دوسری کے لیے بارڈرز کھول دئیے ہیں۔

کورونا کے ڈیلٹا ویرئینٹ کے بعد ان دونوں ریاستوں نے سرحدیں بند کر دی تھیں یاد رہے کہ آسٹریلیا کی آدھی سے زیادہ آبادی ان دونوں ریاستوں میں رہتی ہے۔اس فیصلے کے بعد ہوٹلوں، ائیر لائنز اور سیاحتی صنعت سے وابستہ دوسرے شعبوں کو فائدہ پہنچے گا۔ وکٹوریہ میں ویکسی نیشن مکمل کروانے والوں کی تعداد 83 فیصد اور نیو ساؤتھ ویلز میں 90 فیصد تک پہنچ گئی ہے۔ ویکسی نیشن نہ کرانے والے شہری بارڈر کھلنے کے بعد بھی ہمسایہ ریاست میں داخل نہیں ہو سکیں گے۔

جمعے کو وکٹوریہ میں کورونا وائرس کے  ایک ہزار 343 اور نیو ساؤتھ ویلز میں 249 نئے کیسز سامنے آئے ہیں۔