جاپان نے اپنے شہریوں اور رہائشیوں کے لیے وطن واپس آنے کی صورت میں قرنطینہ کے دنوں میں کمی کر دی ہے۔ وزارت خارجہ  کے اعلان کے مطابق ہفتہ 15 جنوری سے جاپان واپس آنے والوں کو پندرہ کی بجائے دس دن قرنطینہ کرنا ہو گا۔ ان میں ایسے ممالک سے آنے والے مسافر بھی شامل ہیں جو کورونا سے سب سے زیادہ متاثر ہوئے ہیں۔

نئے غیرملکیوں کے لیے جاپان میں داخل ہونے پر پابندی عائد ہے جو بدستور جاری رہے گی۔جاپان کے ادارہ برائے متعدی امراض کا کہنا ہے کہ  اومیکرون سے متاثرہ مریضوں کا انکیوبیشن ٹائم تین روز ہےتاہم اس کی علامات دن روز کے اندر ظاہر ہوتی ہیں۔ اس لیے باہر سے آنے والوں کو دس روز کے لیے قرنطینہ کی شرط سے گزرنا ہو گا۔