برطانوی حکومت کے منصوبے کے مطابق برٹش رائل نیوی پناہ گزینوں کو سمندری راستے سے فرانس سے برطانیہ میں داخل ہونے سے روکے گی۔ فرانس سے برطانیہ ہر سال ہزاروں لوگ چھوٹی کشتیوں کے ذریعے داخل ہو تے ہیں۔

گزشتہ سال 28000 سے زیادہ پناہ گزین فرانس سے برطانیہ داخل ہوئےتھے۔ ایسی صورتحال کے بعد برطانوی حکومت آئندہ چند ہفتوں میں رائل نیوی کو یہ ذمہ داری سونپے گی کہ وہ انگلش چینل سے برطانیہ میں داخل ہونے کی کوشش کرنے والوں کا راستہ روکے۔ حکومتی اعلان کے بعد سیاست دانوں نے اس فیصلے کو تنقید کا نشانہ بنایا ہے۔ ٹوری پارٹی کے اپنے ایم پی نے کہا کہ رائل نیوی کو اس مقصد کے لیے استعمال کرنے کا مطلب ہے نیوی کی جو دفاعی ذمہ داریوں پر سمجھوتہ کیا جائے۔ان کے مطابق اس وقت برطانیہ کو چین اور روس سے دفاعی خطرات ہیں ایسی صورتحال میں رائل نیوی کو اصلی خطرات سے نمٹے کے بجائے دوسرے معاملات میں الجھایا جا رہا ہے۔