نئے قوانین کے مطابق کسی بھی گھر میں13سال سے زیادہ عمر کے 4مہمانوں کو آنے کی اجازت ہوگی جبکہ 12سال یا اس سے کم عمر کے مہمانوں کے لیے کوئی حد نہیں۔ لوگوں کو اپنے گھر سے باہر کسی مقام پر جانے یا کسی بھیڑ والی جگہ پر جاتے وقت سیلف ٹیسٹ کٹ کا استعمال کرنا ہوگا۔  تیرہ سال کی عمر سے پبلک ٹرانسپورٹ استعمال کرنے والوں کے لیے چہرے کے ماسک کی پابندی برقرار رہے گی۔حکومت کی جانب سے اعلان کئے گئے اقدامات میں قرنطینہ کے قوانین میں بھی تبدیلی کی گئی ہے۔

اگر آپ میں کووِڈ 19 کی کوئی علامات نہیں ہیں تو لوگوں کو کسی مثبت ٹیسٹ شدہ شخص سے رابطے کے بعد قرنطینہ نہیں کرنا پڑےگا۔ طالب علموں، بچوں کی دیکھ بھال کرنے والوں، 18سال سے کم عمر  یا اعلیٰ تعلیم کے طالب علم، ملازمت پیشہ افراد جنہوں نےایک ہفتہ سے پہلے بوسٹر شاٹ حاصل کیا ہو، ایک ایسا شخص جس نے 8 ہفتے سے بھی کم عرصہ قبل کورونا وائرس کے لیے مثبت تجربہ کیا ہو اور وہ انفیکشن سے صحت یاب ہوا ہو۔ باقی تمام افراد کو دس دن کے لیے خود کو الگ تھلگ کرنا ہے جب تک کہ وہ پانچ دن یا اس کے بعد جی جی ڈی سے منفی کورونا وائرس ٹیسٹ کروانے کے قابل نہ ہوں۔ کورونا ٹیسٹ مثبت آنے والے افراد کو کم از کم سات دن تک قرنطینہ میں رہنا ہوگا۔ اس کے بعد وہ 24 گھنٹے تک غیر علامتی ہونے کے بعد قرنطینہ چھوڑ سکتے ہیں۔ قرنطینہ کا دورانیہ کل 14 دن تک رہ سکتا ہے۔