نیب کے مطابق نوازشریف پر عائد جرمانہ کی موجودہ مالیت ایک ارب 85 کروڑ روپے ہے۔1356 کنال زرعی اراضی اور اپر مال لاہور بنگلہ نمبر 135 برائے فروخت پراپرٹی میں شامل ہے۔فروخت شدہ جائیدادوں سے حاصل ہونے والی تمام رقم ملک کی تعمیر و ترقی میں استعمال ہو گی۔جائیداد کی فروخت کے لئے اخبار میں اشتہار دیا جائے گا اور سب سے زیادہ بولی لگائی نے والے کو یہ جائیداد فروخت کی جائے گی۔
قبل ازیں قومی احتساب بیو رو (نیب )لاہور نے ایڈن ہائوسنگ کیس میں ایک ارب مالیت پر مشتمل پہلی اہم ریکوری مکمل کر لی ۔ ایڈن پراجیکٹس کے مالک ڈاکٹر امجد کی رحلت کے باوجود نیب لاہور ٹیم متاثرین کے نقصانات کے ازالہ کیلئے سرگرم عمل رہی، ایڈن ہائوسنک کیس میں لگ بھگ 11800 متاثرین اربوں روپے واپسی کیلئے کئی سالوں سے منتظر ہیں۔ ذرائع کے مطابق نیب لاہور کیجانب سے 2019 میں ایڈن انتظامیہ کیخلاف 25 ارب مالیت پر مشتمل ریفرنس احتساب عدالت لاہور میں دائر کیا گیا تھا، ایڈن انتظامیہ کیجانب سے 15 ارب کی پلی بارگین کی درخواست نیب کیجانب سے تاحال مسترد کر دی گئی ہے۔