آئرلینڈ کی سستی ائیر لائن ریان ائیر نے اعلان کیا ہے کہ گزشتہ چھ ماہ کے دوران اس پر سفر کرنے والے مسافروں کی تعداد دو گنا سے زیادہ بڑھ گئی ہے۔ ائیر لائن کی جانب سے جاری کئے گئے ایک بیان میں کہا گیا ہے کہ کورورنا پابندیوں میں نرمی کے بعد فضائی سفر کرنے والوں کی تعداد کے ثمرات ریان ائیر تک بھی پہنچ رہے ہیں۔ بیان میں بتایا گیا ہے کہ اس سال اپریل سے ستمبر تک ائیر لائن پر تین کروڑ 91 لاکھ مسافروں نے سفر کیا۔ گزشتہ برس اسی عرصے میں یہ تعداد ایک کروڑ 71 لاکھ تھی۔ کمپنی کے ریونیو میں بھی 83 فیصد اضافہ ریکارڈ کیا گیا ہے۔

مسافروں کی تعداد میں کمی کے باعث کمپنی کو گزشتہ سال 4 کروڑ 80 لاکھ یورو کا نقصان برداشت کرنا پڑا تھا۔ کمپنی کو امید ہے کہ کورونا پابندیوں میں مزید نرمی سے اس کے ریونیو میں مزید اضافہ دیکھنے میں آئے گا۔