کینیڈا میں کورنا وائرس کی نئی قسم اومیکرون کے دو مریضوں کے انکشاف کے بعد حکام میں تشویش کی لہر دوڑ گئی ہے۔ یہ دونوں افراد نائیجیریا سے کینیڈا پہنچے تھے۔

کینیڈا کے نائب وزیر اعظم کرسٹن ایلیٹ اور چیف میڈیکل آفیسر آف ہیلتھ ڈاکٹر کیرن مور نے ایک مشترکہ بیان میں کہا ہے کہ ان دو مریضوں کا انکشاف اوٹاوہ میں ہوا ہے۔ اعلان کے مطابق دونوں مریضوں کو قرنطینہ کر دیا گیا ہے اور ان تمام افراد کا پتہ چلایا جا رہا ہے جن سے انہوں نے ملاقات کی۔ بیان میں مرکزی حکومت پر زور دیا گیا ہے کہ وہ کینیڈا میں داخل ہونے کے تمام پوائنٹس پر تمام مسافروں کی کورونا سکریننگ لازمی قرار دے کیونکہ نئی قسم کو پھیلنے سے روکنے کے لیے یہ سب سے مؤثر اقدام ہے۔ کینیڈا گزشتہ 14 روز کے دوران جنوبی افریقی ممالک میں سفر کرنے والوں پر سفری پابندی کا اعلان بھی کر چکا ہے۔