بیلجئم کے دارالحکومت برسلز کے ائر پورٹ پر کورونا ویکسی نیشن کے جعلی سرٹیفکیٹ دکھا کر ملک میں داخل ہونے کی کوشش کرنے والے 16 مسافروں کو ایک سال قید کی سزا سنا دی گئی ہے۔ گزشتہ چند ماہ کے دوران برسلز ائر پورٹ پر کورونا ویکسی نیشن کے جعلی سرٹیفکیٹ پیش کرنے والے 820 افراد کو حراست میں لیاگیا تھا۔ ان میں سے تقریباً 80 فیصد کو غلط بیانی اور دھوکہ دہی کے الزام میں 750 یورو جرمانہ ادا کرنا پڑا۔باقی 160 افراد کو مختلف گروپوں میں بانٹ کر عدالت میں پیش کرنے کا سلسلہ شروع کر دیا گیا ہے۔

ایک سال تک قید کی سزا پانے والے 16 افراد ایسے ملزموں کا پہلا گروپ ہے۔ ان میں سے 11 کو 6 مہینے قید اور 1600 یورو جرمانہ کیا گیا ہے۔ ایک ملزم کورونا سے متاثرتھا اس کے باوجود جعل سازی کی کوشش پر اس کی سزا دوگنا کر کے ایک سال کر دی گئی۔

سزا سنانے والی عدالت کا کہنا ہے کہ ثابت ہو چکا ہے کورونا وائرس کے پھیلاؤ کاسب سے بڑا ذریعہ بین الاقوامی سفر ہے۔ عدالت نے مزید کہا کہ اپنے ساتھ رہنے والے دوسرے شہریوں کی زندگی کا خیال نہ کرنے والے افراد کی علاج سخت سزائیں ہی ہے۔