سعودی حکومت پریمیم ریذیڈنسی ہولڈرز کو تعلیم اور صحت کی سہولیات سے مستفید ہونے کی اجازت دینے کے لیے اقدام کرے گی۔ پریمیم ریذیڈنسی (خصوصی استحقاق اقامہ) کے حاملین جلد ہی ان خصوصی حقوق سے لطف اندوز ہو سکیں گے جو اب تک مملکت کے صحت اور تعلیم کے شعبوں میں صرف سعودی شہریوں کو حاصل تھے۔سعودی پریمیم ریذیڈنسی سینٹر (پی آر سی) کااس سلسلے میں پریمیم ریذیڈنسی قانون میں نئی ترامیم کرنے کا ارادہ ہے۔قانون میں ترامیم کا مقصد غیرسعودی باشندوں کو پریمیم ریزیڈنسی فوائد حاصل کرنے کی اجازت دینا ہے۔فی الحال، سعودی عرب میں گرین کارڈ طرز کی نئی پریمیم ریذیڈنسی حاصل کرنے کے لئے غیر معمولی قابلیت اور ہنر کے ساتھ ساتھ سرمایہ کار، کاروباری یاجائیداد کے مالک ہونا ضروری ہے۔ نئے اقدام کے مطابق، پریمیم ریزیڈنسی ہولڈرزکوصحت اور تعلیم کی سہولیات سے  مستفید ہونے کا موقع فراہم کرنا ہے۔ پریمیم ریذیڈنسی کی سب سے اہم خصوصیت یہ ہے کہ اس کے حاملین کو سعودی اسپانسر یا آجر کی ضرورت نہیں۔