مدت ملازمت ختم ہونے پر سعودی عرب چھوڑ کر جانے والے 7ہزار 390 غیر ملکیوں کے کیسز نمٹا دئیے گئے ہیں۔یہ کیسز ان غیر ملکیوں کے سعودی آجروں کی جانب سے ضروری فیس ادا کرنے کے بعد نمٹائے گئے ہیں۔ ان افراد میں ایسے 71 ورکرز بھی شامل ہیں جو دوران ملازمت انتقال کر گئے تھے۔ ان کے ورثا کو مجموعی طور پر 9 لاکھ 61 ہزار ریال دئیے گئے۔

ملازمتیں مکمل کر کے واپس جانے والے ورکرز کو اکثر یہ شکایت رہتی ہے کہ ان کے آجر ان کے جائز واجبات بھی ادا نہیں کر رہے۔ حالیہ چند سال میں سعودی حکومت نے ان شکایات کا نوٹس لے کر آجروں سے ادائیگیاں یقینی بنانے کا عمل شروع کر رکھا ہے۔