کویتی حکام نے مختلف شعبوں سے وابستہ افراد کو کویت کے وزٹ ویزے جاری کرنے کی سفارش کر دی ہے۔ جن شعبوں کے افراد کو وزٹ ویزوں کی سفارش کی گئی ہے ان میں سرکاری شعبہ صحت، نجی شعبہ صحت اور نجی شعبہ تعلیم شامل ہیں۔وزارت صحت، دفاع، نیشنل گارڈاور کے این پی سی کے ملازمین کے علاوہ ان کی بیگمات ا ور بچے بھی شامل ہیں۔

خواتین ڈاکٹرز اور نرسوں کے شوہروں اور سولہ سال سے چھوٹے بچوں کو بھی ویزے دینے کی سفارش کی گئی ہے۔ فوڈ سیکیورٹی، کسانوں، فشریز، لائیو سٹاک، پولٹری، ڈیری مصنوعات، بیکریز، فوڈ مارکیٹنگ، ریسٹورنٹس اور کیٹرنگ کے شعبوں میں کام کرنے والوں کو پہلے سے موجود ضوابط کے مطابق شرائط پوری کر کے ویزے جاری کئے جائیں گے۔