سوئٹزرلینڈ نے کورونا سے متعلق دستاویزات ساتھ نہ رکھ کر ملک میں داخل ہونے والوں کو جرمانے شروع کر دئیے ہیں۔

20 ستمبر کے بعد سوئٹزرلینڈ میں داخل ہونے والوں کے لیے پیسنجر لوکیٹر فارم بھرنا لازمی قرار دیا گیا تھا۔ اس فارم کے علاوہ مسافروں کومکمل ویکسی نیشن کا سرٹیفکیٹ یا کورونا سےصحت یابی یا کورونا کا منفی ٹیسٹ ساتھ رکھنے کی ہدایت کی گئی تھی۔ ان دستاویزات کے بغیر ملک میں داخل ہونے والوں کو 100 فرانک جرمانہ کیا جا رہا ہے۔

حکام کے مطابق 21 ستمبر سے 10 اکتوبر کے درمیان 200 افراد کو دستاویزات ساتھ نہ رکھنے پر جرمانے کئے جا چکے ہیں۔کراس بارڈر ورکر، ٹرانزٹ والے مسافر، پیشہ ور ڈرائیور، سرحدی علاقوں میں رہنے والے اور 16 سال سے کم عمر افراد کو ان دستاویزات سے استثنیٰ دیا گیا ہے۔