تازہ ترین اعدادوشمار کے مطابق امریکہ کے اندر گرفتار ہونے والے غیر قانون تارکین وطن کی گرفتاریاں دس سال کی کم ترین سطح پر آ گئی ہیں۔ یو ایس امیگریشن اینڈ کسٹمز انفورسمنٹ کی رپورٹ کے مطابق سن 2021 کے مالی سال کے دوران 72 ہزار افراد کو امریکہ کے اندر گرفتار کیا گیا۔ گزشتہ سال یہ تعداد ایک لاکھ چار ہزار تھی۔ سن 2017 سے 2019 تک تین سال کے دوران اوسطاً ایک لاکھ 48 ہزار افراد کو گرفتار کیا جاتا رہا۔

ستمبر میں ہوم لینڈ سیکیورٹی کے سیکرٹری نے کہا تھا کہ بارڈر گارڈز صرف اس وجہ سے کسی کو گرفتار نہ کریں کہ وہ غیر قانونی طریقے سے امریکہ میں داخل ہوا ہے۔ حکام کے مطابق اس نئی ہدایت پر 29 نومبر سے عملدرآمد شروع کیا جائے گا۔ اس کے بعد گرفتاریوں میں مزید کمی واقع ہونے کی توقع کی جا رہی ہے۔