ابو ظہبی نے مقامی اور بین الاقوامی سیاحوں کی بڑھتی تعداد کے پیش نظر ریاست میں مفت شٹل سروس شروع کر دی ہے۔

وزارت ثقافت و سیاحت کی جانب سے شروع کی گئی یہ بس سروس سیاحوں کو مختلف ہوٹلوں اور سیاحتی مقامات تک لے کر جاتی اور واپس چھوڑتی ہے۔ بس کے روٹ پر 20 سٹاپ بنائے گئے ہیں جن میں 9 ہوٹل، 9 تفریحی مقامات اور 2 ایکسپو 2020 کے سٹاپ شامل ہیں۔ پہلے فیز میں یہ بس یاس آئی لینڈ، جبیل آئی لینڈ، سادیات آئی لینڈ، ابو ظہبی ٹاؤن سنٹر اور گرینڈ کینال کو ملائے گی۔ یہ سہولت ایسے سیاحوں کو میسر ہو گی جنہوں نے وزٹ ابو ظہبی ویب سائٹ کے ذریعے کسی ہوٹل یا تفریحی مقام کی سیر کی بکنگ کروائی ہو گئی۔

ابتدائی طور پر اس منصوبے کے لیے دو بسیں مختص کی گئی ہیں جن میں وائی فائی، ائیر کنڈیشنر، وہیل چیئر سے بیٹھنے جیسی سہولیات فراہم کی گئی ہیں۔