کویتی حکومت نے ملک میں موجود 60 سال سے زائد عمر کے غیر ملکیوں کو ملک سے نہ نکالنے کا اعلان کر دیا ہے۔

گزشتہ سال کویتی حکومت نے 60 سال سے زائد کے غیر ملکیوں کے ویزوں کی تجدید نہ کرنے کا انتہائی متنازع اعلان کیا تھا۔ ان افراد میں ایسے غیر ملکی بھی شامل تھے جنہوں نے زندگی کا بڑا حصہ کویت میں کام کرتے گزار دیا۔قانونی، فتویٰ اور قانون سازی کے اداروں نے گزشتہ مہینے حکومتی اعلان کو غیر قانونی قرار دیتے ہوئے اسے واپس لینے کا حکم دیا تھا۔ ایک اندازے کے مطابق اس اعلان کی ذد میں 90 ہزار کے قریب تارکین وطن آ سکتے تھے۔اب افرادی قوت کے ادارے نے اعلان کیا ہے کہ 60 سال سے زائد عمر کے غیر ملکی 500 کویتی دینار سالانہ فیس اور انشورنس کی رقم ادا کر کے ہر سال اپنا ویزہ بڑھوا سکتے ہیں۔