سعودی عرب میں کام کرنے والے غیر ملکیوں کے ورک پرمٹ یعنی اقامے کی ہر تین ماہ تجدید کا آن لائن نظام متعارف کروا دیا گیا ہے۔

اقامے کی آن لائن تجدید کے بعد ورکرز کو اقامے کی ڈیجیٹل کاپی اپنے پاس محفوظ رکھنا ہو گی۔ وزارت داخلہ کی جانب سے متعارف کروائی گئی دوسری آن لائن سہولیات میں جنرل ڈائریکٹوریٹ آف پاسپورٹس اور ٹریفک ڈائریکٹوریٹ سے متعلق سہولیات بھی شامل ہیں۔ ابشر ڈاٹ ایس اے پر فراہم کی گئی خدمات میں غیر ملکی ورکرز کی جانب سے ملازمت بدلنے کے لیے رضامندی کا ادراج بھی شامل ہے۔ یہ رجسٹریشن سروس گلف کوآپریشن کونسل کے رکن ممالک کے شہریوں کو بھی دستیاب ہو گی۔ سعودی بنکوں نے حال ہی میں اقاموں کے اجرا اور تجدید کے لیے ادا کی جانے والی فیس کا سسٹم اپ ڈیٹ کیا ہے۔

غیر ملکی ورکرز اب اقامے کی فیس سہ ماہی یا ششماہی بنیاد پر بھی جمع کروا سکتے ہیں۔