برطانیہ اور فرانس کے درمیان مہاجرین کو لیکر لفظی جنگ شروع ہو گئی ہے۔

برطانوی وزیر اعظم بورس جانسن نے فرانس سے مطالبہ کیا ہے کہ فرانس سے غیر قانونی طریقے سے برطانیہ داخل ہونے والے مہاجرین کو واپس لیا جائے۔ جواب میں فرنچ صدر نے شدید رد عمل کا اظہار کیا ہے۔ ان کا کہنا ہے  کہ بورس جانسن مہاجرین پر دوہرا رویہ اختیار کئے ہوئے ہیں۔ فون پر مجھے کچھ کہتے ہیں اورعوام کے سامنے کچھ اور کہتے ہیں۔ دونوں ملکوں کے سخت بیانات کے بعد فرانس نے مہاجرین پر ہونے والے اہم اجلاس کے لیے برطانوی ہوم سیکرٹری کو بھیجا گیا دعوت نامہ واپس لے لیا ہے۔ اب اس اجلاس میں یورپی کمیشن، فرانس، جرمنی، ہالینڈ اور بلجئیم شرکت کریں گے۔ ماہرین نے برطانوی وزیر اعظم کو متضاد بیانات پر شدید تنقید کا نشانہ بنایا ہے اور ان کے رویے کو غیر سنجیدہ قرار دیا ہے۔