امریکی صدر جو بائیڈن نے ملک میں پہلی مرتبہ کسی مسلمان خاتون کو وفاقی جج نامزد کر دیا ہے۔ امریکی میڈیا رپورٹس کے مطابق نصرت جہاں کو وفاقی جج نامزد کیا گیا ہے جن کا تعلق بنگلہ دیش سے ہے۔ نصرت جہاں اس وقت امریکن سول لبرٹیز یونین الینائے میں لیگل ڈائریکٹر کے طور پر خدمات سرانجام دے رہی ہیں۔ 44 سالہ نصرت جہاں کا نام امریکی ایوان بالا یعنی سینٹ میں منظوری کے لیے بھیجا جائے گا جہاں سے ان کی منظوری میں کوئی رکاوٹ نظر نہیں آ رہی۔

نصرت جہاں منظوری کے بعد ڈسٹرکٹ کورٹ برائے ایسٹرن ڈسٹرکٹ آف نیو یارک میں ذمہ داریاں سنبھالیں گی۔ امریکی صدر اب تک مختلف عدالتوں میں 87 نامزدگیاں کر چکے ہیں جن میں کئی خواتین اور دوسرے ممالک سے امریکہ آنے والے افراد بھی شامل تھے۔