سعودی حکام نے کورونا وائرس کے باعث آٹھویں کلاس سے چھوٹی جماعتوں کے بچوں کو گھر پر ہی تعلیم دینے کا فیصلہ کیا ہے۔ اس سے پہلے ان بچوں کو 31 اکتوبر سے سکولوں میں حاضری یقینی بنانے کا کہا گیا تھا۔سعودی وزارت تعلیم نے اگست میں صرف ان طلبہ کو سکولوں میں آنے کی اجازت دینے کا اعلان کیا تھا جو کورونا ویکسین کی دونوں خوراکیں لے چکے ہیں۔

حکام کا کہنا ہے کورونا پھیلنے کی شرح کا مزید ڈیٹا لے کر بچوں کے سکول کھولنے کا حتمی فیصلہ بعد میں کیا جائے گا۔  سعودی عرب میں اب تک 4 کروڑ 48 لاکھ افراد کو ویکسین کی کم سے کم ایک خوراک دی جا چکی ہے جبکہ 2 کروڑ8 لاکھ سے زائد شہری ویکسی نیشن مکمل کروا چکے ہیں۔