متحدہ عرب امارات کی ایمریٹس ائر لائنز نے آئندہ چھ ماہ کے دوران چھ ہزار نئے افراد بھرتی کرنے کا فیصلہ کیا ہے۔ ائر لائنز انتظامیہ کا کہنا ہے کورونا کیسز میں کمی کے بعد مسافروں کی تعداد مسلسل بڑھ رہی ہے اس لیے چھ ہزار نئے پائلٹ، کیبن کرئیو، انجینئرنگ سپیشلسٹ اور گراؤنڈ سٹاف بھرتی کیا جائے گا۔ یہ بھرتیاں ایمریٹس کے دنیا بھر میں پھیلے نیٹ ورک میں کی جائیں گی۔ دبئی کی ائیر لائن پہلے ہی 90 فیصد نیٹ ورک بحال کر چکی ہے۔ دنیا کی سب سے بڑی ائر لائنز مصروف روٹوں پر ڈبل ڈیکر اے 380 کی تعداد میں اضافہ کر رہی ہے۔ نومبر تک ایمریٹس اس ایئر کرافٹ کی پروازوں پر ایک لاکھ 65 ہزار اضافی نشستیں فراہم کرے گی۔ ستمبر کے مہینے میں ایمریٹس نے دبئی ائر پورٹ پر اپنی آپریشنل ضروریات پوری کرنے کے لیے تین ہزار کیبن کرئیو اور پانچ سو ائر پورٹ سروسز ایمپلائز بھرتی کئے تھے۔