برطانیہ نے کورونا سے متاثرہ ممالک کے مسافروں پر عائد پابندیاں ختم کرنے کا اعلان کر دیا ہے۔ ریڈ لسٹ میں باقی  رہ جانے والے سات ممالک کو بھی نکال دیا گیا ہے۔ ریڈ لسٹ میں شامل ممالک کے شہریوں کے لیے برطانیہ آنے پر کسی ہوٹل میں دس روزہ قرنطینہ کرنا ضروری تھا۔جو آخری سات ممالک اس فہرست میں رہ گئے تھے ان میں کولمبیا، ڈومینکن ریپبلک، ایکواڈور، ہیٹی، پانامہ، پیرو اور وینزویلا شامل تھے۔

تمام ممالک کو سفر سے پہلے ’پیسنجر لوکیٹر فارم‘ بھرنے کی شرط کو پورا کرنا ہو گا۔ برطانوی محکمہ ٹرانسپورٹ کے مطابق ریڈ لسٹ اور ہوٹل قرنطینہ کی پالیسی برقرار ہے گی اور ہر تین ہفتے بعد اس پر نظر ثانی کی جائے گی۔ برطانیہ نے اس وقت 135 ممالک کے شہریوں کو کورونا ویکسی نیشن کا ثبوت دکھا کر ملک میں داخل ہنے کی اجازت دے رکھی ہے۔