سپین کی حکومت نے اعلان کیا ہے کہ 35 سال سے کم عمر کے افراد جو اپنے والدین کے ساتھ رہتے ہیں اگر وہ گھر چھوڑ کر علیحدہ رہیں گے تو حکومت انہیں ہر مہینے 250 یورو امداد دے گی۔ یہ امداد انہیں گھروں کے کرائے دینے کے لیے ادا کی جائے گی۔ حکومتی اسکیم کا مقصد گھر کے کرایوں میں کمی لانے کے ساتھ ساتھ نوجوانوں کو اپنے والدین پر بوجھ بننے سے روکنا ہے۔ سپین کے تمام شہری جن کی سالانہ تنخواہ 24 ہزار یورو سے کم ہے وہ اس سکیم سے فائدہ اٹھا سکیں گے۔

یورپ میں سپین واحد ملک ہیں جہاں 55 فیصد سے زیادہ نوجوان اپنے والدین کے ساتھ رہتے ہیں۔ حکومتی وزیر کے مطابق اس سکیم سے نوجوانوں کو اپنے فیصلے خود کرنے میں مدد  ملے گی۔ حکومت چاہتی ہے نوجوان اپنی زندگی مرضی سے گزاریں۔ اسپین میں 25 فیصد نوجوان بے روزگار ہیں جو تمام یورپی ممالک میں سب سے بڑی تعداد ہے۔